កាលពីថ្ងៃអង្គារ ០៧រោច ខែជេស្ឋ ឆ្នាំច សំរិទ្ធិស័ក ព.ស ២០៥៦២ ត្រូវនឹងថ្ងៃទី០៥ ខែមិថុនា ឆ្នាំ២០១៨ ក្រុមការងារនៃនាយកដ្ឋានបណ្ដុះបណ្ដាល បានចុះអនុវត្តសកម្មភាពរបស់គម្រោងអភិវឌ្ឍន៍សមត្ថភាពក្នុងការគ្រប់គ្រងវគ្គបណ្ដុះបណ្ដាល សម្រាប់ការពង្រឹងរដ្ឋបាលថ្នាក់ក្រោមជាតិ (PCDTM) ក្រោមការគាំទ្រដោយអង្គការ JICA ជប៉ុនដើម្បីចុះប្រមូលទិន្នន័យជាក់ស្តែងសម្រាប់យកមកសរសេរជាករណីសិក្សាលើប្រធានបទ៖ ការផ្តល់សេវាអត្រានុកូលដ្ឋាន ការរៀបចំវេទិកាសាធារណៈ សេវាលើការចេញលិខិតបញ្ជាក់ និងការផ្សព្វផ្សាយអំពីការថែរក្សាអនាម័យ និងសុខភាព។ ការចុះប្រមូលទិន្នន័យពាក់ព័ន្ធការគ្រប់គ្រងរដ្ឋបាលឃុំ សង្កាត់ទាំងអស់នេះ ត្រូវបានធ្វើឡើងនៅក្នុងសង្កាត់ចំនួនបួន នៃក្រុងក្រចេះ ឃុំចំនួនបួន នៃស្រុកចិត្របុរី និងឃុំចំនួនពីរនៃស្រុកព្រែកប្រសព្វ នៅក្នុងខេត្តក្រចេះ។ សកម្មភាពចុះសម្ភាសន៍នេះធ្វើឡើងរយៈពេល០៣ថ្ងៃដោយចាប់ផ្ដើមពីថ្ងៃទី០៥ដល់ថ្ងៃទី០៧ ខែមិថុនា ឆ្នាំ២០១៨។