ស្វែងរក
job & មុខងារ និងធនធាន
នាយកដ្ឋានមុខងារ និងធនធាន
នាយកដ្ឋានមុខងារ និងធនធាន មានតួនាទីជាសេនាធិការឲ្យអគ្គនាយកដ្ឋានរដ្ឋបាល ក្រសួងមហាផ្ទៃ លើការងារផ្ទេរមុខងារ ធនធាន និងគាំទ្រការផ្ដល់សេវារដ្ឋបាលនៅរដ្ឋបាលថ្នាក់ក្រោមជាតិ។
នាយកដ្ឋានមុខងារ និងធនធាន មានភារកិច្ចដូចខាងក្រោម ៖
- រៀបចំក្របខណ្ឌគោលនយោបាយ និងលិខិតបទដ្ឋានគតិយុត្តនានាសម្រាប់ការផ្ទេរមុខងារ និងធនធានឲ្យទៅដល់រដ្ឋបាលថ្នាក់ក្រោមជាតិ
- រៀបចំក្របខណ្ឌគោលនយោបាយ លិខិតបទដ្ឋានគតិយុត្ត ព្រមទាំងយន្តការ បែបបទ និងនីតិវិធីនានាសម្រាប់គាំទ្រការផ្ដល់សេវារដ្ឋបាលនៅរដ្ឋបាលថ្នាក់ក្រោមជាតិ
- សម្របសម្រួល និងគាំទ្រដល់ក្រសួង ស្ថាប័នក្នុងកិច្ចដំណើរការផ្ទេរមុខងារ និងធនធានដល់រដ្ឋបាលថ្នាក់ក្រោមជាតិ
- តាមដាន និងត្រួតពិនិត្យលើការផ្ដល់សេវារដ្ឋបាលនៅរដ្ឋបាលថ្នាក់ក្រោមជាតិ ដើម្បីធានាបាននូវគោលការណ៍តម្លាភាព គណនេយ្យភាព ប្រសិទ្ធភាព និងការចូលរួមរបស់ប្រជាពលរដ្ឋ
- សហការរៀបចំប្រព័ន្ធត្រួតពិនិត្យ និងវាយតម្លៃលើការបំពេញមុខងារដែលបានផ្ទេរទៅឲ្យរដ្ឋបាលថ្នាក់ក្រោមជាតិ
- សិក្សា និងរៀបចំយន្តការសម្រាប់រដ្ឋបាលថ្នាក់ក្រោមជាតិនីមួយៗ ធ្វើការសម្រុះសម្រួល និងដោះស្រាយពាក្យបណ្ដឹងនានានៅរដ្ឋបាលថ្នាក់ក្រោមជាតិ
- តាមដាន ត្រួតពិនិត្យ វាយតម្លៃ និងគាំទ្រលើយន្តការនៃការសម្រុះសម្រួល និងដោះស្រាយពាក្យបណ្ដឹងនានានៅរដ្ឋបាលថ្នាក់ក្រោមជាតិ
- រៀបចំផែនការសកម្មភាព និងថវិកាប្រចាំឆ្នាំរបស់នាយកដ្ឋាន
- រៀបចំរបាយការណ៍របស់នាយកដ្ឋានតាមគោលការណ៍កំណត់
- បំពេញភារកិច្ចផ្សេងៗទៀតដែលអគ្គនាយកនៃអគ្គនាយកដ្ឋានរដ្ឋបាលប្រគល់ឲ្យ។
នាយកដ្ឋានមុខងារ និងធនធាន មានរចនាសម្ព័ន្ធដូចខាងក្រោម ៖
១. ការិយាល័យរដ្ឋបាល
២. ការិយាល័យមុខងារ និងធនធាន
៣. ការិយាល័យកិច្ចការច្រកចេញចូលតែមួយ
៤. ការិយាល័យតាមដាន ត្រួតពិនិត្យ និងវាយតម្លៃ។
១.ការិយាល័យរដ្ឋបាល មានភារកិច្ចដូចខាងក្រោម៖
- រៀបចំ ចាត់ចែង និងគ្រប់គ្រងរាល់លិខិតស្នាម និងឯកសារចេញ ចូលរបស់នាយកដ្ឋាន
- គ្រប់គ្រងសម្ភារ បរិក្ខារ និងមធ្យោបាយរបស់នាយកដ្ឋាន
- ធ្វើបញ្ជីសារពើភ័ណ្ឌ និងគ្រប់គ្រងបញ្ជីសារពើភ័ណ្ឌចលនទ្រព្យ អចលនទ្រព្យដែលស្ថិតនៅ ក្រោមការគ្រប់គ្រងរបស់នាយកដ្ឋាន
- រៀបចំផែនការសកម្មភាព និងថវិកាប្រចាំឆ្នាំ ព្រមទាំងតម្រូវការសម្ភារ មធ្យោបាយ និងបរិក្ខានានា របស់នាយកដ្ឋាន
- បំពេញការងារពាក់ព័ន្ធនឹងការគ្រប់គ្រងមន្រ្តី បុគ្គលិក និងបេសកកម្មនៅក្នុងនាយកដ្ឋាន
- សម្របសម្រួលរៀបចំកិច្ចប្រជុំផ្ទៃក្នុង និងកិច្ចប្រជុំផ្សេងៗតាមផែនការកំណត់
- គ្រប់គ្រង និងធ្វើបច្ចុប្បន្នភាពគេហទំព័ររបស់ការិយាល័យច្រកចេញចូលតែមួយ និងការិយាល័យប្រជាពលរដ្ឋ ព្រមទាំងបណ្តាញព័ត៌មានសង្គមផ្សេងៗទៀតរបស់នាយកដ្ឋាន
- ផ្សព្វផ្សាយព័ត៌មានពាក់ព័ន្ធនឹងកិច្ចដំណើរការផ្ទេរមុខងារ ធនធាន ការផ្តល់សេវារដ្ឋបាល និងការសម្រុះសម្រួលដោះស្រាយបណ្តឹងនានារបស់រដ្ឋបាលថ្នាក់ក្រោមជាតិ
- ទំនាក់ទំនងជាមួយក្រសួង ស្ថាប័ន និងអង្គភាពពាក់ព័ន្ធក្នុងការរៀបចំកិច្ចប្រជុំ ការចុះគាំទ្រដល់រដ្ឋបាលថ្នាក់ក្រោមជាតិ
- គ្រប់គ្រង ចាត់ចែង និងបោះពុម្ភនូវឯកសារផ្សព្វផ្សាយនានាពាក់ព័ន្ធនឹងការផ្តល់សេវារដ្ឋបាល និងការផ្ទេរមុខងារ និងធនធាន
- រៀបចំរបាយការណ៍អំពីវឌ្ឍនភាព និងបញ្ហាប្រឈមពាក់ព័ន្ធនឹងការងាររដ្ឋបាល បុគ្គលិក និងព័ត៌មានតាមគោលការណ៍កំណត់
- បំពេញការងារផ្សេងៗទៀតដែលថ្នាក់ដឹកនាំនាយកដ្ឋានប្រគល់ឲ្យ។
២.ការិយាល័យមុខងារ និងធនធាន មានភារកិច្ចដូចខាងក្រោម ៖
- សិក្សា និងរៀបចំក្របខណ្ឌគោលនយោបាយ និងលិខិតបទដ្ឋានគតិយុត្តនានាសម្រាប់ការរៀបចំ និងអនុវត្តកិច្ចដំណើរការផ្ទេរមុខងារ និងធនធានឲ្យទៅដល់រដ្ឋបាលថ្នាក់ក្រោមជាតិ
- សម្របសម្រួល និងសហការជាមួយក្រសួង ស្ថាប័នពាក់ព័ន្ធនានាក្នុងការសិក្សា និងកំណត់អំពីមុខងារ និងធនធានដែលត្រូវផ្ទេរទៅឲ្យរដ្ឋបាលថ្នាក់ក្រោមជាតិ
- សម្របសម្រួល និងសហការជាមួយក្រសួង ស្ថាប័ន និងអ្នកពាក់ព័ន្ធនានាក្នុងការគាំទ្រ ការ ពិនិត្យមើលលើការអនុវត្តតាមច្បាប់ លិខិតបទដ្ឋានគតិយុត្ដ និងស្តង់ដារនានាពាក់ព័ន្ធនឹងការអនុវត្តមុខងារ និងធនធានរបស់រដ្ឋបាលថ្នាក់ក្រោមជាតិ
- សម្របសម្រួល និងសហការជាមួយក្រសួង ស្ថាប័ន និងអ្នកពាក់ព័ន្ធនានាក្នុងការពិនិត្យមើលឡើងវិញ និងកែសម្រួលនូវគោលនយោបាយ លិខិតបទដ្ឋានគតិយុត្ដ និងគោលការណ៍ណែនាំនានាពាក់ព័ន្ធនឹងការរៀបចំ និងអនុវត្តកិច្ចដំណើរការផ្ទេរមុខងារ និងធនធានទៅឲ្យរដ្ឋបាលថ្នាក់ក្រោមជាតិតាមតម្រូវការចាំបាច់
- រៀបចំរបាយការណ៍អំពីកិច្ចដំណើរការនៃការផ្ទេរមុខងារ និងធនធានទៅឲ្យរដ្ឋបាលថ្នាក់ក្រោមជាតិ ព្រមទាំងវឌ្ឍនភាព និងបញ្ហាប្រឈមនៃការអនុវត្តមុខងារ និងធនធានដែលបានផ្ទេរ តាមគោលការណ៍កំណត់
- បំពេញការងារផ្សេងៗទៀតដែលថ្នាក់ដឹកនាំនាយកដ្ឋានប្រគល់ឲ្យ។
៣.ការិយាល័យកិច្ចការច្រកចេញចូលតែមួយ មានភារកិច្ចដូចខាងក្រោម ៖
- សិក្សា និងរៀបចំក្របខណ្ឌគោលនយោបាយ លិខិតបទដ្ឋានគតិយុត្ត ព្រមទាំងយន្តការ បែបបទ និងនីតិវិធីនានាសម្រាប់គាំទ្រការផ្តល់សេវារដ្ឋបាលនៅរដ្ឋបាលថ្នាក់ក្រោមជាតិ
- សិក្សា និងលើកយោបល់ក្នុងការពង្រឹង និងពង្រីកការិយាល័យច្រកចេញចូលតែមួយការិយាល័យ ប្រជាពលរដ្ឋ និងមជ្ឈមណ្ឌលព័ត៌មានប្រជាពលរដ្ឋនៅរដ្ឋបាលថ្នាក់ក្រោមជាតិ
- រៀបចំផែនការផ្សព្វផ្សាយ និងគាំទ្រការអនុវត្តការងាររបស់ការិយាល័យច្រកចេញចូលតែមួយ ការិយាល័យប្រជាពលរដ្ឋ មជ្ឈមណ្ឌលព័ត៌មានប្រជាពលរដ្ឋ និងយន្តការផ្តល់សេវារដ្ឋបាលនៅរដ្ឋបាលថ្នាក់ក្រោមជាតិ
- ចុះគាំទ្រ និងផ្តល់ការណែនាំអំពីនីតិវិធីនៃការផ្តល់សេវារដ្ឋបាលរបស់ការិយាល័យច្រកចេញចូលតែមួយ និងយន្តការច្រកចេញចូលនៅរដ្ឋបាលថ្នាក់ក្រោមជាតិ
- សម្របសម្រួល និងសហការជាមួយក្រសួង ស្ថាប័ន និងអង្គភាពពាក់ព័ន្ធក្នុងការពិនិត្យមើលឡើងវិញអំពីប្រភេទ ទំហំ តម្លៃសេវា និងរយៈពេលនៃការផ្តល់សេវារដ្ឋបាលដែលបានផ្ទេរទៅ ឲ្យរដ្ឋបាលថ្នាក់ក្រោមជាតិ
- សម្របសម្រួលជាមួយក្រសួង ស្ថាប័នពាក់ព័ន្ធក្នុងរៀបចំ និងកែសម្រួលនូវបែបបទ នីតិវិធី និងលក្ខខណ្ឌភ្ជាប់នានាក្នុងការស្នើសុំសេវារដ្ឋបាលឲ្យមានភាពងាយស្រួល និងសាមញ្ញ
- ទំនាក់ទំនង និងសហការក្នុងភាពជាដៃគូជាមួយក្រសួង ស្ថាប័ន អង្គការសង្គមស៊ីវិល និងអ្នកពាក់ព័ន្ធនានា ដើម្បីជួយគាំទ្រដល់ការអនុវត្តការងារផ្តល់សេវារដ្ឋបាល និងការផ្សព្វផ្សាយព័ត៌មាននៅរដ្ឋបាលថ្នាក់ក្រោមជាតិ
- ពិនិត្យ និងផ្តល់យោបល់លើការបែងចែកប្រាក់រង្វាន់លើកទឹកចិត្តជូនមន្រ្តីផ្តល់សេវានៅរដ្ឋបាលថ្នាក់ក្រោមជាតិឲ្យមានតម្លាភាព និងគណនេយ្យភាព
- រៀបចំវគ្គបណ្ដុះបណ្ដាលពង្រឹងសមត្ថភាពដល់មន្ត្រី បុគ្គលិកនៃការិយាល័យច្រកចេញចូលតែមួយ ការិយាល័យប្រជាពលរដ្ឋ និងមជ្ឈមណ្ឌលព័ត៌មានប្រជាពលរដ្ឋ ព្រមទាំងមន្រ្តី បុគ្គលិក ផ្តល់សេវារដ្ឋបាលនៅរដ្ឋបាលថ្នាក់ក្រោមជាតិ
- រៀបចំរបាយការណ៍អំពីវឌ្ឍនភាព និងបញ្ហាប្រឈមពាក់ព័ន្ធនឹងការផ្តល់សេវារដ្ឋបាលរបស់ រដ្ឋបាលថ្នាក់ក្រោមជាតិតាមគោលការណ៍កំណត់
- បំពេញការងារផ្សេងៗទៀតដែលថ្នាក់ដឹកនាំនាយកដ្ឋានប្រគល់ឲ្យ។
៤.ការិយាល័យតាមដាន ត្រួតពិនិត្យ និងវាយតម្លៃ មានភារកិច្ចដូចខាងក្រោម ៖
- សិក្សា រៀបចំប្រព័ន្ធតាមដាន ត្រួតពិនិត្យ និងវាយតម្លៃលើការអនុវត្តមុខងារ និងធនធានដែលត្រូវបានផ្ទេរទៅឲ្យរដ្ឋបាលថ្នាក់ក្រោមជាតិ
- សិក្សា រៀបចំយន្តការផ្តល់ព័ត៌មានត្រឡប់អំពីការផ្តល់សេវារដ្ឋបាលរបស់រដ្ឋបាលថ្នាក់ក្រោមជាតិ
- រៀបចំប្រមូល និងវិភាគទិន្នន័យស្តីពីការផ្តល់សេវារដ្ឋបាល និងការសម្រុះសម្រួលដោះស្រាយពាក្យបណ្តឹងរបស់រដ្ឋបាលថ្នាក់ក្រោមជាតិ
- រៀបចំផែនការតាមដាន ត្រួតពិនិត្យ និងវាយតម្លៃលើលទ្ធផលការងារនៃការផ្តល់សេវារដ្ឋបាល និងការអនុវត្តមុខងារ និងធនធានរបស់រដ្ឋបាលថ្នាក់ក្រោមជាតិ
- គ្រប់គ្រង និងរៀបចំផែនការបណ្ដុះបណ្ដាលអំពីប្រព័ន្ធគ្រប់គ្រងទិន្នន័យព័ត៌មានវិទ្យា
- សិក្សា និងរៀបចំយន្តការ គោលការណ៍ និងនីតិវិធីនៃការទទួល និងសម្រុះសម្រួលដោះស្រាយពាក្យបណ្តឹងនានានៅរដ្ឋបាលថ្នាក់ក្រោមជាតិ
- រៀបចំផែនការកសាងសមត្ថភាព និងផ្សព្វផ្សាយអំពីយន្តការ និងនីតិវិធីនៃការទទួល និងការសម្រុះសម្រួលដោះស្រាយពាក្យបណ្តឹងនានានៅរដ្ឋបាលថ្នាក់ក្រោមជាតិ
- តាមដាន និងគាំទ្រលើការអនុវត្តយន្តការទទួល និងសម្រុះសម្រួលដោះស្រាយពាក្យបណ្តឹងនានានៅរដ្ឋបាលថ្នាក់ក្រោមជាតិ
- សហការ និងសម្របសម្រួលក្នុងភាពជាដៃគូជាមួយក្រសួង ស្ថាប័ន និងអ្នកពាក់ព័ន្ធនានាក្នុងការគាំទ្រយន្តការសម្រុះសម្រួលដោះស្រាយបណ្តឹងរបស់រដ្ឋបាលថ្នាក់ក្រោមជាតិ
- រៀបចំរបាយការណ៍វឌ្ឍនភាព និងបញ្ហាប្រឈមរបស់នាយកដ្ឋានតាមគោលការណ៍កំណត់
- បំពេញការងារផ្សេងៗទៀតដែលថ្នាក់ដឹកនាំនាយកដ្ឋានប្រគល់ឲ្យ។