job & ខេត្តកណ្តាល៖ ព្រឹកថ្ងៃទី២៦ ខែ មិថុនា ឆ្នាំ២០២០ មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកណ្តាល បានប្រារព្ធពិធីបិទផ្សាយជាសាធារណៈ នូវឯកសារនៃការវិនិច្ឆ័យចំនួន ០២ គឺភូមិតាខ្មៅ១ និងភូមិតាខ្មៅ៣ សង្កាត់តាខ្មៅ ក្រុងតាខ្មៅ ក្រោមអធិបតីភាព លោក នូ សុវណ្ណារ៉ា អភិបាលក្រុងតាខ្មៅ និងលោក សុក កាន់ណារិទ្ធិ ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តកណ្តាល។
ក្នុងពិធីបិទផ្សាយនេះដែរ លោក នូ សុវណ្ណរ៉ា អភិបាលក្រុងតាខ្មៅ បានមានប្រសាសន៍ថា ការបិទផ្សាយជាសាធារណះនូវឯកសារនៃការវិនិច្ឆ័យនាពេលនេះ គឺឆ្លុះបញ្ចាំងអោយឃើញពិការយកចិត្តទុកដាក់របស់រាជរដ្ឋាភិបាល ក្រោមការដឹកនាំប្រកបដោយគតិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា រហូតឈានដល់ការចេញប័ណ្ណកម្មសិទ្ធដីធ្លី ស្របច្បាប់ជូនប្រជាពលរដ្ឋ សំដៅលើកកម្ពស់ជីវភាព សុខុមាលភាព និងការកាត់បន្ថយភាពក្រីក្រ ព្រមទាំងរួមចំណែកដល់ការពង្រឹងយុត្តិធម៌ និងស្ថេរភាពសង្គម។ដើម្បីទទួុលបានលទ្ធផលចុងក្រោយនេះ ខ្ញុំសូមអំពាវនាវដល់បងប្អូនប្រជាពលរដ្ឋ និងអ្នកពាក់ព័ន្ធទាំងអស់ មកចូលរួមពិនិត្យ និងផ្ទៀងផ្ទាត់លើទិន្នន័យ នៃឯកសារវិនិច្ឆ័យដែលដាក់បិទផ្សាយជូនដោយគណៈកម្មការរដ្ឋបាលចាប់ពីថ្ងៃទី ២៦ ខែ មិថុនា ឆ្នាំ ២០២០ ដល់ថ្ងៃទី ១០ ខែ កក្កដា ឆ្នាំ ២០២០៕
ប្រភព៖ រដ្ឋបាលខេត្តកណ្តាល
